Дзяржауная установа адукацыi

У гэтым годзе нашы клумбы абяцаюць быць прыгожымы, як ніколі. Вучні ўжо прывялі ў парадак усе кветкавыя клумбы школы і пасадзілі вялікую колькасць кветак. Дзеці, якія займаюцца ў экалагічных аб'яднаннях па інтарэсах так сама не забываюць і аб школьным музеі араматаў і рыхтуюць сыравіну для яго.

Вучні школы прынялі актыўны ўдзел у раённым конкурсе "Бульбаёсцік" зрабіўшы чатыры работы для намінацыі "Дэкаратыўна-прыкладная творчасць" і адзін мультыплікацыйны фільм на тэму "Бульба без межаў". Спадзяваемся атрымаць узнагароды за нашы работы!

Адбыўся традыцыйны вясенні турыстычны паход у в. Апалонаўка. Агульная працягласць маршруту - каля 5 км. На адваротным шляху быў разведзены піянерскі касцёр, пад час якога дзеці змаглі адпачыць, паспяваць паходныя песні, а таксама з'есці свае паходныя стравы.

20 красавіка прайшоў Рэспубліканскі суботнік да якога далучылася і наша школа: як вучні, так і дарослыя. Была прыбрана большая частка тэрыторыі Грабаўскага парка вакол школы, а таксама помнік воінам-камсамольцам в. Грабаўка. Адначасова, вучні, якія пражываюць у в. Макаўе і в. Пясочная Буда навялі парадак на тэрыторыі сваіх населеных пунктаў.

28 студзеня адбыўся конкурс салатаў, на якім вучням з кожнага класа патрэбна было прыгатаваць адзін з самых непапулярных сярод школьнікаў салатаў. У ходзе конкурса было высветлена, што самыя непапулярныя салаты з'яўляюцца самымі смачнымі!