Дзяржауная установа адукацыi

З вялікай адказнасцю падышлі вучні нашай школы к падрыхтоўцы святочнага канцэрту да Дня настаўніка. Пасля выступленняў,настаўнікам уручылі узнагароды. Не забылі мы павіншаваць і нашых настаўнікаў-ветэранаў.

Ужо не першы год вучні нашай школы наведваюць гэта свята, якое заўсёды ўражае сваёй урачыстасцю і непаўторнасцю...

У гэтым годзе нашы вучні рыхтаваліся да свята вельмі грунтоўна, бо трэба было знайсці беларускія касцюмы, падрыхтаваць выставу мастацкіх вырабаў, правесці з гасцямі народныя гульні. Пасля свята ў дзяцей засталіся самыя светлыя ўспаміны. Дзякуй Маркавічскаму дзіцячаму саду - сярэдняй школе за арганізацыю і правядзенне такога цудоўнага свята.

На працягу ўсяго красавіка вучні нашай школы падарожнічалі па экалагічнай трапе. Некаторыя станцыі ўжо добра распрацаваны, а некаторыя знаходзяцца у стане вывучэння. 

Як і ўвесь Гомельскі раён, наша школа прыняла ўдзел у добраўпарадкаванні сваёй малой Радзімы. Актыўны ўдзел прынялі вучні, настаўнікі, тэхнічны персанал, бо праца на свежым паветры аб'ядноўвае і дапамагае наладзіць узаемаадносіны.

У пачатку 2011 года вучні нашай школы падалі заяўку ў грамадскую арганізацыю "Ахова птушак Бацькаўшчыны" для ўступлення ў клуб "Крылаты дазор". Такім чынам у нас з'явіўся новы клуб, які на сёняшні дзень налічвае 19 вучняў і 1 настаўніка. 

Першай сумеснай акцыяй членаў клуба "Крылаты дазор" і "Школьнае лясніцтва" была акцыя па размяшчэнню шпакоўняў. Дзякуючы Грабаўскаму лясніцтву, якое зрабіла і падаравала школе 50 шпакоўняў, вучні на тэрыторыі грабаўскага парку развесілі новыя домікі для крылатых сяброў.

Акрамя гэтага члены клуба "Крылаты дазор" прымаюць актыўны ўдзел у акцыі "Жывая вясна", у рамках якой дзецям неабходна інфармаваць грамадскую арганізацыю АПБ аб птушках, якія прыляцелі з выраю.